كلمات اغنيه قد الحروف للرائعه اصاله

كلنا طبعا عارفين الاغنية الرائعة " قد الحروف " للجميلة اصالة انا حبيت اكتب كلماتها علشان بتحمل معانى كلها حب ورومانسية


قد الحروف .. اللى فى اسامى العاشقين ..

بحبك
قد الثوانى .. والدقايق .. والسنين

بحبك

قد الهموم اللى فى قلوب البشر
قد العيون اللى كحلها السهر
قد ما قلبى اشتكى من نار حبك
قد ما ليلى حكى عن طول بعدك
قد الحروف اللى فى اسامى العاشقين
قدالدموع اللى فى عيون المجروحين

انا بحبك

ليه القمر غالى عليا ..
يمكن عشان فى نوره وبعده فيه حاجة منك
ليه الشتا فى قلبى حزين ..
يمكن عشان برده فى قساوته فيه حاجة منك
ليه السحاب بعشق بياضه
يمكن عشان زى قلبى فى قربى منك
ليه المطر بيصعب عليا
يمكن عشان زى دمعى فى بعدى عنك
ليه لما تبعد عن عنيا .. بخاف عليا وبخاف عليك وبرده منك
ليه لما اشوووف فى السما نجوم كتير منها بغير
يمكن عشان قد السما .. وقد النجوم .. بحبك

قد ما قلبى اشتكى من نار حبك
قد ما ليلى حكى عن طول بعدك
قد الحروف اللى فى اسامى العاشقين
قدالدموع اللى فى عيون المجروحين

انا بحبك

قلبى وعنيا يجرى ايه لو دمعة نزلت من عنيك فى يوم عليا
يجرى ايه لو طمنك خوفى عليك وخفت يا قاسى عليا
يجرى ايه لو ليلة جربت السهاد
يجرى ايه لو عذبك طول البعاد
يجرى ايه لو يوم هجرتك
وجيت تانى يوم وقلتلى انى وحشتك
يجرى ايه لو عاتبتك وعاتبتنى .. وسامحتنى وسامحت نفسك
يجرى ايه لو قلتلى
قد الحروف اللى فى اسامى العاشقين
بحبك .. بحبك .. بحبك